წარმატების მიუხედავად, განვითარების პროცესს ვაგრძელებთ. ტუმბო "ირეკსონის" მუდმივი გაუმჯობესების შედეგად, დღეს ჩვენ მოგვეცა საშუალება გადავჭრათ წყლის მიწოდებასთან დაკავშირებით წარმოქმნილი რთული, მაშტაბური და კომპლექსური პრობლემები. აღნიშნულიდან გამომდინარე, დღესდღეისობით „ირეკსონის“ ტუმბოები, მაღალეფექტურობის, ეკონომიურობის და ეკოლოგიურობის თვალსაზრისით ბაზარზე არსებულ სხვა ტუმბოებთან შედარებით პრაქტიკულად უკონკურენტოა.

 

  ამჟამად საქართველოს რეგიონებში დამონტაჟდა ტუმბოები: 100, 200 და 300მმ მკვებავი მილით. გარდა ამისა დამზადდა 50 და 70მმ მკვებავი მილის ტუმბოები. ერთი 50მმ მკვებავი მილის ტუმბო მუშაობს ბიორაციონალური ტექნოლოგიების კვლევითი ცენტრის ეზოში. 1 ცალი საცდელად გატანილია საზღვარგარეთ, კერძოდ პორტუგალიაში. 2ც 70მმ მკვებავი მილით კახეთის რეგიონში საგარეჯოს და ყვარელის რაიონებში. 300მმ დიამეტრის მკვებავი მილით, პირველი საცდელი ტუმბო, დამონტაჟდა გორის რაიონში (სოფელი არბო) და 2016 წელს ახალციხეში მდ. ფოცხოვაზე, რომელიც დღესაც მუშაობს. დღეს ჩვენ შეგვიძლია დავამზადოთ ტუმბოები 50 - 1000მმ მკვებავი მილით, რომელთა წარმადობა 1,8 - დან 860ტ/სთ-მდე (240ლ/წმ) იქნება. შესადარებლად: ჩემს მიერ მოპოვებული ინფორმაციით, მსოფლიოში არსებული ჰიდროტარანების წარმადობა არ აღემატება 1ლიტრს/წამში. საზოგადოების მხრიდან ინტერესი მაღალია.

​

   საქპატენტის მიერ გაცემული პატენტი „ირეკსონის“ გამოგონებაზე არ არის ერთადერთი1993 წლიდან ვიყავი კომპანია „სოდანი“-ს დამფუძნებელი და დირექტორი.

​

   „სოდანი“ დაარსების დღიდან დაკავებული იყო საქართველოში ენერგიის განახლებადი წყაროების პრაქტიკული გამოყენების საკითხებით, კერძოდ მსხვილფეხა რქოსანი პირუტყვის, ღორისა და ფრინველის ორგანული ნარჩენების (ნაკელის)  გადამუშავებით ბიოაირის (მეთანის) და მაღალი ხარისხის ორგანული სასუქის მიღების საკითხებით.

 

 აღნიშნულიდან გამომდინარე აუცილებელი იყო ორგანული ნარჩენების გადამამუშავებელი დანადგარის (მეტანტენკის) კონსტრუირება და საცდელი ნიმუშების პრაქტიკული გამოცდა. გამოცდების დადებითი შედეგების შემდეგ მიღებული იქნა „საპატენტო სიგელი“ N26 30.03.93 „ბიოგაზის გენერატორი“.